१० औँ भङ्‍गेरी कप फुटवल प्रतियोगीता २०७९ को उपाधि म्यागङ-६ पोखरीको नव स्टार युवा क्लब बीलाई

कार्तिक ०८, २०७९

म्यागङ-६, नुवाकोट

म्यागङ क्षेत्रकै सर्वाधिक धनराशीको १० औँ भङ्‍गेरी कप फुटवल प्रतियोगीता २०७९ को उपाधि म्यागङ-६, पोखरीको नव स्टार युवा क्लब टीम 'बी'ले उचालेको छ। आज कन्यास्थान युवा क्लबको भङ्‍गेरी डाँडामा भएको फाइनल खेलमा नेत्रावती डवजोङ टिकादुङको म्हाने गङ युवा क्लबलाई ३-० ले पराजित गर्दै नव स्टार युवा क्लबले उपाधि आफ्नो पोल्टा पारेको हो। असोज ३० गतेबाट सुरु भएको यस प्रतियोगीतामा २० क्लबहरुको सहभागीता थियो।

फाइनल तथा समापन कार्यक्रममा ने.कां. को नेता बहादुर सिंह लामा (तामाङ) प्रमुख अतिथि, जगत बहादुर तामाङ्ग र म्यागङ गा.पा. प्रमुख आशा तामाङ्ग विशेष अतिथि र म्यागङ गा.पा. उप-प्रमुख सीता तामाङ्ग अतिथि रहेका थिए। यसका अतिरिक्ति अन्य अतिथीहरुको पनि बाक्लो उपस्थिति रहेको थियो।

उपाधि विजेता नव स्टारले नगद रु.१,११,१११ सहित ट्रफी, मेडल र प्रमाण-पत्र प्राप्त गर्‍यो भने उप-विजेता म्हाने गङ युवा क्लबले नगद रु.५५,५५५ सहित ट्रफी, मेडल र प्रमाण-पत्रमा चित्ता बुझाउनु पर्‍यो। यस प्रतियोगिताको अन्य पुरस्कारहरु निम्‍न अनुसार रहेका छन्।

१. उत्कृष्‍ट खेलाडी- प्रदीप डंगोल (म्हाने गङ युवा क्लब)

२. उच्च गोलकर्ता- चत्तुरमान तामाङ्ग (नव स्टार युवा क्लब) [६ गोल]

३. उत्कृष्‍ट डिफेन्डर- सूर्य तामाङ्ग (नव स्टार युवा क्लब)

४. उत्कृष्‍ट गोल किप्‍पर- सुसन खड्का (नव स्टार युवा क्लब)

५. उत्कृष्‍ट कोच:- विजय तामाङ्ग (म्हाने गङ युवा क्लब)

६. उत्कृष्‍ट मेनेजर:- श्याम तामाङ्ग (नव स्टार युवा क्लब)

७. अनुशासित टीम:- प्लेनप्लेन युवा क्लब

फोटो स्रोत: बीर बहादुर तामाङ्ग (प्रतियोगीता संयोजक)

१० औँ भङ्‍गेरी कप २०७९ को फाइनलमा नव स्टार र म्हाने गङ भिड्‍ने

कार्तिक ०७, २०७९

म्यागङ-६, नुवाकोट

यस वर्षको भङ्‍गेरी कप फुटवल प्रतियोगीता २०७९ मा म्यागङ-६, पोखरीको नव स्टार युवा क्लब 'बी' र नेत्रावती डवजोङ, टिकादुङको म्हाने गङ युवा क्‍लब फाइनलमा पुगेको छ। असोज ३० गते सुरु भएको यस प्रतियोगीतामा २० टीमहरुको सहभागीता थियो। आज भएको पहिलो सेमी फाइनलमा नव स्टार युवा क्लबले प्लेनप्लेन युवा क्लबलाई ४-० ले पराजित गर्दै उपाधि नजिक पुगेको हो। यस खेलको म्यान अफ द म्याच नव स्टारको पाल्देन शेर्पा घोषित भयो।

दिउँसो ३ बजे भएको दोस्रो सेमि-फाइनलमा म्हाने गङ युवा क्लब टिकादुङले ग्रीन हेवन युवा क्लब विदुरलाई २-० ले पराजित गर्दै फाइनल प्रदेश गरेको हो। यस खेलको म्यान अफ द म्याच म्हाने गङको प्रदीप डंगोल घोषित भयो।

यस प्रतियोगीताको फाइनल खेल भोलि मिति २०७९-०७-०८ हुनेछ। कंग्रेसको नेता बहादुर सिंह लामा (तामाङ्ग) को प्रमुख अतिथ्‍यमा हुने समापन कार्यक्रमको विशेष अतिथिहरुमा जगत बहादुर तामाङ्ग र म्यागङ गाउँपालिकाको प्रमुख आशा तामाङ्ग रहने छ भने अतिथि गा.पा. उप-प्रमुख सीता तामाङ्ग रहने व्यहोरा प्रतियोगीताको समापन कार्यक्रमको वेनरमा उल्लेख छ। वेनरमा उल्लेख गरेको वाहेक पनि अन्य अतिथिहरुको पनि सहभागीता रहनेछन्। समापन कार्यक्रममा सांस्कृतिक कार्यक्रमहरु पनि हुनेछन्।

फाइनल खेल १२:३० बजे बाट हुने प्रतियोगीता संयोजक बीर बहादुर तामाङ्गले जानकारी गराउनु भएको छ। १० औँ भङ्‍गेरी कपको फाइनल हेर्न आउन दर्शक महानुभावहरुलाई हार्दिक निमन्त्रणा छ। साथै यस वर्षको शुभ दीपावली, नेपाल सम्वत्, भाई टीका तथा छठ पर्वको पनि हार्दिक ंमङ्‍गलमय शुभकामना।

फोटो स्रोत: बीर बहादुर तामाङ्ग (प्रतियोगीता संयोजकको फेसबूक)

१० औँ भङ्गेरी कप २०७९ को सेमी फाइनल समिकरण पुरा

 कार्तिक ६, २०७९

म्यागङ-६, नुवाकोट

जारी १० औँ भङ्‍गेरी कप २०७९ को सेमी फाइनल समीकरण पूरा भएको छ। आज भएको अन्तिम दुई क्‍वाटर फाइनलसँगै सेमी फइानलमा को-कसले भिड्‍ने भन्‍ने तय भएको हो। आज दिउँसो १ बजे भएको श्री रुद्राक्ष युवा क्‍लब र नव स्टार युवा क्लब बीचको खेल नव स्टारले जितेको छ। श्री रुद्राक्षलाई पेनाल्टीमा २ विरुद्ध ३ गोलले पराजित गर्देै नव स्टारले सेमी फाइनलमा पुगेको छ। यस खेलको म्यान अफ द म्याच स्टारका गोल रक्षक सुसन खड्का घोषित भयो।

आजै दिउँसो ३ बजे भएको अर्को क्‍वाटर फाइनल खेलमा म्यागङ-४, किम्ताङ्गको द राइजिङ् मङ्‍गोलियन युवा क्लबलाई २ को विरुद्ध ४ गोलको अन्तरले पराजित गर्दै विदुर-८, माझीगाउँको ग्रीन हेवन युवा क्लनले पनि सेमी फाइनलमा स्थान बनाउन सफल भएको छ। यस खेलको म्यान अफ द म्याच पनि टीमको गोल रक्षक सुजन श्रेष्‍ठ घोषित भयो।

भोलि सेमी फाइनलको खेलहरु सञ्‍चालन हुनेछ भने पर्सी कार्तिक ८ गते समापन हुने कार्यक्रम  रहेको छ।

भोलिको सेमी-फाइनलको खेलहरु

१. प्लेनप्लेन युवा क्लब विरुद्ध नव स्टार युवा क्लब

२. म्हाने गङ युवा क्लब विरुद्ध ग्रीन हेवन युवा क्लब

फोटो स्रोत: बीर बहादुर तामाङ्ग (प्रतियोगीता संयोजक)

बाँकी फोटोहरु

आजको जितसँगै प्लेनप्लेन र म्हाने गङ १० औँ भङ्‍गेरी कप २०७९ को सेमी फाइनलमा

 कार्तिक ०५, २०७९

म्यागङ-६, नुवाकोट

जारी भङ्‍गेरी कप २०७९ मा आज दुई खेल सम्‍पन्‍न भका छन्। दिउँसो १ बजे सुरु भएको खेलमा म्यागङ-६, पनेराको जुनतारा युवा क्‍लबले म्यागङ-३, प्लेनप्लेनको प्लेनप्लेन युवा क्लबबिच भएको खेलको नतिजा पेनाल्टीले निर्धारण गर्‍यो। प्लेनप्लेनले जुनतारालाई पेनाल्टी सुट आउटमा ४-३ ले पराजित गर्दै सेमी फाइनलमा स्थान बनाउन सफल भएको छ। सेमी फाइनलमा प्लेनप्लेनले श्री रुद्राक्ष युवा क्लब र नव स्टार युवा क्लबबिचको विजेतासँग भिड्‍ने छ। यस खेलको नायक प्लेनप्लेनको गोल रक्षक विकेश तामाङ्ग घोषित भयो।

दिउँसै ३ बजे भएको खेलमा म्यागङ-६, भञ्‍ज्याङको प्रगतिशील युवा क्‍लब लाई २-० ले पराजित गर्दै म्हाने गङ युवा क्लब, टिकादुङले पनि सेमी फाइनलमा पुगेको छ। आफ्‍नो पहिलो खेलमा ड्रीम मेकर युवा क्लबलाई ७‍० ले हराएको म्हाने गङले आज पनि कुनै गोल नखाइ खेल आफ्नो पक्षमा पारेको छ। आब म्हाने गङले भोलि हुने रद राइजिङ्ग मङ्‍गोलियन युवा क्लब र ग्रीन हेवन युवा क्लब बीवको विजेतासंग सेमी फाइनलमा भिड्‍ने छ। विजेता म्हाने गङको विमल तामाङ्ग यस खेलको म्यान अप द म्याच भए। दुबै खेलको म्यान अफ द म्याचले एक/एक थान जर्सी प्राप्‍त गर्‍यो।

भोलिको खेलहरु

१. नव स्टार युवा क्लब विरुद्ध श्री रुद्राक्ष युवा क्लब (दिउँसो १ बजे)

२. द राइजिङ्ग मङ्‍गोलियन युवा क्लब विरुद्ध ग्रीन जेवन युवा क्लब (दिउँसो ३ बजे)

फोटो स्रोत: बीर बहादुर तामाङ्ग (प्रतियोगीता संयोजकको फेवबूकबाट)

बाँकी फोटाहरु

१० औँ भङ्‍गेरी कप २०७९ को दोस्रो चरणको पहिलो दिन नव स्टार र ग्रीन हेवनको जित

कार्तिक ४, २०७९

म्यागङ-६, नुवाकोट

जारी १० औँ भङ्‍गेरी कप २०७९ को आज दोस्रो चरणको दुई खेलहरु सम्‍पन्‍न भएका छन्। कन्यास्थान युवा क्लबको भङ्‍गेरी खेल मैदानमा दिउँसो १ बजे भएको पहिलो खेलमा नव स्टार युवा क्लब 'बी' पोखरीले नागिनीस्थान युवा क्लब पोखरी डाँडालाई १-० ले हराउँदै क्‍वाटर फाइनल प्रदेश गरेको छ। अब नव स्टारले श्री रुद्राक्ष युवा क्लबसंग खेल्नेछ। यस खेलको म्यान अफ द म्याच विजेता नव स्टारको मनिष मगर भए।

दिउँसो ३ बजे भएको दोस्रो खेलको नतिजा पनि पहिलोको जस्तै रहयो।  म्यागङ-५ सामरीको सामरी युवा क्लब 'ए' लाई विदुर-८ को ग्रीन हेवन युवा क्लबले १-० ले स्तब्ध बनायो।  अब विजेता ग्रीन हेवनले द राइजिङ्ग मङ्गोलियन युवा क्लब किम्ताङको सामना गर्नेछ। विजेता ग्रीन हेवनको लागि विवेक राईले निर्णायक गोल गरेको थियो। विजयी गोल गर्ने गोलकर्ता राई नै यस खेलको म्यान अफ द म्याच घोषित भयो। दुबै खेलको म्यान अप द म्याचले एक-एक थान जर्सी प्राप्‍त गर्‍यो।

आजको खेलसंगै क्‍चाटर फाइनल समीकरण पनि पूरा भएको छ। अब हुने जुनतारा युवा क्लब विरुद्ध प्लेनप्लेन युवा क्लब र प्रगतिशील युवा क्लब र म्हाने गङ युवा क्लब बीचको विजेताले सेमी-फाइनलमा स्थान बनाउने छ।

भोलिको खेलहरु

जुनतारा युवा क्लब विरुद्ध प्लेनप्लेन युवा क्लब

प्रगतिशील युवा क्लब विरुद्ध म्हाने गङ युवा क्लब

भोलि १० औँ भङ्‍गेरी कप २०७९ को प्रि क्‍वाटर फाइनलको दुई खेल

कार्तिक ३, २०७९

म्यागङ-६, नुवाकोट 

भोलि १० औँ भङ्‍गेरी कप २०७९ को प्रि-क्‍वाटर फाइनलको दुई खेलहरु हुँदैछन्। दिउँसो १ बजे नागिनीस्थान युवा क्लब पोखरी डाँडाले नव स्टार युवा क्लब पोखरीको सामना गर्नेछ भने दिउँसो ३ बजे हुने खेलमा सामरी युवा क्लब 'ए' ले ग्रीन हेवन युवा क्लव विदुर-१२ सँग खेल्दैछ।  नागिनीस्थान युवा क्लब पोखरी डाँडा र नव स्टार युवा क्लब पोखरी बिचको विजेताले यस अघि नै क्‍वाटर फाइनलमा स्थान बनाइ सकेको श्री रुद्राक्ष युवा क्लवको सामना गर्ने छ। यसै गरि दोस्रो खेलको विजेताले क्‍वाटर फाएनलमा द राइजिङ्ग मङ्‍गोलियन युवा क्लब किम्ताङसंग भिड्‍ने छ। प्रि-क्‍वाटर फाइनलको दुई खेल भने पर्सी हुनेछ।

१० औँ भङ्गेरी कप २०७९ को पहिलो चरणको खेलहरु सम्पन्‍न ग्रीन हेवन र द राइजिङ मंगोलियन सिधै क्‍वाटर फाइनलमा

२०७९, कार्तिक २

म्यागङ-६, नुवाकोट

१० औँ भङ्‍गेरी कप २०७९ को आज चौथौँ दिन पहिलो चरणको खेलहरु सम्पन्‍न भएका छन्। असोज ३० गते उद्‍घाटन भएको यस प्रतियोगीतामा पहिलो दिन एक खेल र त्यसपछिको दिनहरुमा ३/३ खेल गरि आज पहिलो चरणको खेलहरु सकेको हो। २० टीमहरुको सहभागीता रहेको यस प्रतियोगीतामा अब १० टीमहरु रहेका छन् र दुई टीम श्री रुद्राक्ष युवा क्लब विदुर-१२ र द राइजिङ्ग मङ्‍गोलियन किम्ताङले सिधै क्वाटर-फाइनलमा स्थान बनाउन सफल भएका छन्। वाँकी ८ टीमहरुले भने प्रि-क्वाटर फाइनल खेल्नु पर्ने छ। प्रि-क्वाटर फाइनलको खेलहरु भोलि देखि हुनेछ्न्।

आज भएको खेलमा श्री रुद्राक्ष युवा क्लब विदुर-१२ ले सामरी युवा क्लब 'बी' लाई १-० ले पराजित गर्‍यो। यस खेलको म्यान अफ द म्याच विजेता श्री रुद्राक्षको सुरेश कुमार तामाङ्ग घोषित भयो र एक थान जर्सी प्राप्‍त गर्‍यो।

दोस्रो खेलमा आयोजक कन्यास्थान युवा क्लब 'सी' लाई ४-० ले पराजित गर्दै ग्रीन हेवन युवा क्लवले प्रि-क्वाटर फाइनलमा सामरी युवा क्लब 'ए' सँगको भेट तय गरेको छ। यस खेलमा ग्रीन हेवनका क्षितिज न्यौपाने म्यान अफ द म्याच भए र उसले एक थान जर्सी हासिल गर्‍यो।

आजको अन्तिम खेलमा फरक नतिजा आयो जसको फैसाला पेनाल्टी सुट आउटले गर्‍यो। आयोजक कन्यास्थान युवा क्लब 'बी' लाई पेनाल्टीमा ४-३ ले जित्दै द राइजिङ्ग मङ्‍गोलियन किम्ताङ्गले क्वाटर फाइनलमा स्थान बनाएको छ। द राइजिङ्ग मङ्‍गोलियनका सुजन तामाङ्गले म्यान अफ द म्याच भएर एक थान जर्सी प्राप्‍त गर्‍यो।

वाँकी फोटोहरु 

१० औँ भङ्‍गेरी कप २०७९ को तेस्रो दिन सामरी, प्लेनप्लेन र नागिनीस्थानको जीत

२०७९, कार्तिक १,

म्यागङ-६, नुवाकोट

भङ्गेरी डाँडामा सञ्‍चालन भइरहेको १० औँ भंगेरी फुटवल प्रतियोगीता २०७९ को आज तेस्रो दिन तीन खेलहरु सम्पन्‍न भएका छन्। विहान ११ बजेबाट भएको खेलमा आयोजक कन्यास्थान युवा क्लब 'ए' र सामरी युवा क्लब 'ए' वीचको खेल सामरीले जितेको छ। सामरीले १-० को रोमञ्‍चक जितका साथ प्रि-क्वाटर फाइनलमा आयोजक कन्यास्थान युवा क्लब 'सी' र ग्रीन हेवन युवा क्लव वीचको विजेतासंगको भेट सुनिश्‍चित गरेको हो। यस खेलमा विजेता सामरीको जान लिम्बू म्यान अफ द म्याच भयो। म्यान अफ द म्याचले एक थान जर्सी प्राप्‍त गर्‍यो।

दोस्रो खेलमा प्लेनप्लेन युवा क्लबले हिमचुली युवा क्लब विदुर-५ लाई २-१ ले पराजित गर्‍यो। दिउँसो १ वजेको प्रचण्ड घाममा सुरु भएको खेलमा खेलाडीहरुले फुर्तिको साथ खेल देखाएको थियो। यस खेलको उत्कृष्‍ट खेलाडी प्लेनप्लेनको प्रकाश तामाङ्गले एक थान जर्सी प्राप्‍त गर्‍यो।

आजको अन्तिम खेल भने दिउँसो ३ बजे सुरु भएको थियो। जसमा भिड्दै थियो लार्केप युनाइटेड र नागिनीस्थान युवा क्लव, पोखरी डाँडा। उक्त खेलमा नागिनीस्थानले लार्केपलाई १ को विरुद्ध ७ गोलको फराकिलो अन्तरले जितेर प्रि-क्वाटर फाइनलमा नव स्टार युवा क्लव पोखरीसंगको भेट तय गरेको हो। विजेता नागिनीस्थानको सुजित बूढाथोकी म्यान अफ द म्याच घोषित भयो र उसले पनि एक थान जर्सी प्राप्‍त गर्‍यो। म्यान अफ द म्यान हुने सवै खेलाडीहरुलाई प्रतियोगीता संयोजक बीर बहादुर तामाङ्गले जर्सी प्रदान गरेको थियो।

भोलिको खेल र समय

१. श्री रुद्राक्ष युवा क्लब, विदुर-१२ विरुद्ध सामरी युवा क्लव 'बी' (विहान ११ बजे)

२. ग्रीन हेवन युवा क्लव, विदुर-८ विरुद्ध कन्यास्थान युवा क्लब 'सी' (दिउँसो १ बजे)

३. द राइजिङ्ग मङ्गोलियन, किम्ताङ्ग विरुद्ध कन्यास्थान युवा क्लब 'बी' (दिउँसो ३ बजे)

फोटो स्रोत: बीर बहादुर तामाङ्ग

वाँकी फोटोहरु

१० औँ भंगेरी कपको दोस्रो दिन गत वर्षको विजेता पहिलो खेलवाटै वाहिरियो आज तीन खेल सम्पन्न

 असोज ३१, म्यागङ-६, नुवाकोट

१० औँ भंगेरी कप २०७९ को आज तीन खेलहरु सम्पन्‍न भएका छन्। पहिले खेलमा गत वर्षको सेमी फालनलिस्‍ट कल्लाबारी युवा क्लव प्रगतिशील युवा क्लवसंग १-० ले पराजित भएको छ। यस खेलको म्यान अफ द म्याच प्रगतिशीलको सन्तोष के.सी. ले एक सेट जर्सी प्राप्‍त गर्‍यो।

आज भएको दोस्रो खेलमा गत वर्षको विजेता मैवल युवा क्लव, नव स्टार युवा क्लवसंग स्तब्ध भएको छ। डेफेन्डिङ च्याम्पियन मैबललाई ६‍-० को फराकिलो अन्तरले जितेर नव स्टारले लार्केप र नागिनीस्थानबीचको विजेतासँगको भेट सुनिश्‍चित गरेको छ। विजेता नव स्टारको चत्तुरमान तामाङ्ग खेलको म्यान अफ द म्याच भए र एक थान जर्सी प्राप्‍त गर्‍यो।

आजै भएको अन्तिम खेलमा धादिङ टिकादुङको म्हाने गङ युवा क्लवले म्यागङ-३, देउरालीसँग ७-० को फराकिलो अन्तरले विजय भएको छ। यस खेलमा विजेता म्हाने गङको सुजन खनाल म्यान अफ द म्याच भएको र एक थान जर्सी हासिल गर्‍यो।

भोलि हुने खेल र समय तालिका

प्रथम खेल: कन्यास्थान युवा क्लव 'ए' विरुद्ध सामरी युवा क्लव '‍ए' (बिहान ११ बजे)

द्वितीय खेल: हिमचुली युवा क्लव, विदुर-५, विरुद्ध प्लेनप्लेन युवा क्लव (दिउँसो १ बजे)

तृतीय खेल: लार्केप युनाइटेड विरुद्ध नागिनीस्थान युवा क्लव (दिउँसो ३ बजे)

 फोटो स्रोत: बीर बहादुर तामाङ्ग

अरु फोटोहरु हेर्न यहाँ क्लिक गर्नुहोस्।