how to transfer number of one mobile to another एक मोबाइलबाट अर्को मोबाइलमा नम्बर सार्ने उपाय

कतिपय अवस्थामा फोन नम्बरहरु एउटा मोबाइलबाट अर्को मोबाइलमा सार्नुपर्छ, तर मोबाइलमा नम्बर सार्न भने त्यति सजिलो छैन । अधिकांशले एक एक गर्दै फोन नम्बरहरु सेभ गर्छन्, जसका लागि निकै लामो समय लाग्छ । यदि फोन नम्बरको लिस्ट निकै सानो छ भने सिमकार्ड प्रयोग गर्न सकिन्छ । यसको लागि आफ्नो फोनमा रहेको सबै नम्बरलाई सिममा सेभ गर्नुपर्छ । त्यसपछि उक्त सिमलाई अर्को मोबाइलमा हालेर नम्बर सेभ गर्नुपर्छ ।

• सबैभन्दा पहिले कन्ट्याक्ट अपरेसनमा गएर मुभ कन्ट्याक्ट अप्सन रोज्ने ।
• यदि आफ्नो मोबाइल सेटको सिममा सेभ गर्न चाहने हो भने कपी कन्ट्याक्ट अप्सन छान्नुपर्छ ।
• त्यसपछि फोन टु सिम अप्सनमा क्लिक गर्नुपर्छ ।
• जब फोन टु सिम अप्सनमा क्लिक गरिन्छ, तब मोबाइलमा रहेक फोन नम्बरहरुको जानकारी प्राप्त हुन्छ । ओके अप्सन छानेपछि मोबाइलमा रहेक सबै नम्बर सिममा सेभ हुन्छन् ।

यदि धेरै नम्बरहरु छन् र नम्बरहरु एक मोबाइलबाट अर्को मोबाइलमा लान सकिएन भने यो काम कम्प्युटरबाट गर्न सकिन्छ । त्यसका लागि सबैभन्दा पहिले आफ्नो कम्प्युटरमा नोकियाको ओवीआई पीसी सूट इन्स्टल गर्नुपर्छ । नोकिया पीसी सूटबाट आफ्नो नोकियाको सेटमा रहेका नम्बरहरु अन्य कुनै पनि सेटमा सार्न सकिन्छ । यदि ब्ल्याकबेरी प्रयोग गर्ने हो भने ब्ल्याकबेरी डेस्कटप म्यानेजरबाट पनि नम्बरहरु सार्न सकिन्छ ।

• सबैभन्दा पहिले आफ्नो कम्प्युटरमा नोकिया पीसी सूट इन्सटल गर्ने ।
• अब डाटा केबलको मद्दतबाट फोनको पीसीमा केही बेरअघि इन्स्टल गरेको पीसी सूटलाई कनेक्ट गर्ने ।
• जब पीसी सूटसँग आफ्नो फोन कनेक्ट हुन्छ, सबै नम्बर स्वत: पीसी सूटमा आउँछन् ।
• अब उक्त फोनलाई पीसी सूटबाट हटाएर अर्को फोनमा कनेक्ट गर्ने र पीसी सूटमा सेभ भएका सबै नम्बर कपी गर्ने ।