लिग लिडर जवलाखेल युवा क्लब हिमालयन शेर्पा क्लबसँग स्तब्ध

 म्यागङ, नुवाकोट

बैशाख १३, २०८०

जारी शहिद स्मरक ए डिभिजन लिग २०२३ को १२ औँ चरणको खेलमा आज दशरथ रङ्‍गशाला वेलुकी ६ वजेबाट सुरु भएको खेलमा लिग लिडर जवलाखेल युवा क्लब अङ्क तालिकाको अन्तिमबाट एक स्थान माथि रहेको हिमालयन शेर्पा क्लबसँग पराजित भएको छ। लिगको तेस्रो पराजित व्यहोरे पनि जवलाखेल शीर्ष स्थानमै रहेको छ। शेर्पाको लागि खेलको १० औँ र १९ औँ मिनेटमा चोटबाट लिगमा फर्केका पिस्टोने मुतम्बाले २ गोल गरेको थियो भने जवलाखेलको लागि एक मात्र गोल खेलको ७२ औँ मिनेटमा एन्कोटो सिनस मसोएवीले गरेको थियो। खेल जिताउन नसके पनि मसोएवीले गोल स्कोरिङ तालिकामा आफूलाई शीर्ष स्थानको दीपक राज सिंह ठाकुरीसँग  बराबरी गरेको छ। दुबैको १०/१० गोल रहेको छ।

आज नै दिउँसो ३ बजे भएको अर्को दुई खेलमा सातदोबाटोले सङ्‍कटालाई शून्यको विरुद्ध ४ गोलले पराजित गर्‍यो भने गत वर्षको लिग विजेता मछिन्द्रले थ्री स्टार क्लबसँग गोल रहित बराबरी खेलको छ। शेर्पा र जवलाखेलको खेलसँगै १२ औँ चरणको खेलहरु पनि समाप्‍त भएको छ। प्रथम चरणको खेलहरुको अन्तिम चरणको खेलहरु मात्र वाँकी रहेका छन्।

१२ औँ चरणको समाप्‍तिसँगै लिग तालिका यस्तो बनेको छ।